Boas a todas e todos,
Querovos falar nesta entrada do blogue dalgunhas das paisaxes e lugares que sitúanse ó norte de Ecuador, na rexión andina e na que chaman subtropical.
Baixando en altitude de El Ángel, camiño de Ibarra, un pasa polo Val do Chota. Acercarse a coñecer o val e as comunidades afroecuatorianas que o habitan é case como viaxar a outro país ou continente diferente. O clima é máis cálido, polo que a vexetación cambia. Tamén é posible ver bolboretas case tan grandes coma un pequeno paxaro. As comunidades que viven no val son de etnia afroecuatoriana, e aínda conservan algunhas tradicións culturais (na música por exemplo a «bomba», e noutras comunidades afroecuatorianas da provincia de Esmeraldas é a «marimba»).
Na cidade de Otavalo, na rexión de Imbabura, a realidade é completamente diferente. O seu mercado de artesanías é moi popular. En Imbabura vive un número importante da poboación indíxena da serra.
O día de onte, martes 20 de agosto, fixemos un fermoso percorrido a pé que levounos todo o día. O recorrido comezou dende o frío dos 4000 metros de altitude (Morán) ata baixar o clima temperado dos máis de 1000 metros (Las Juntas). A vexetación e fauna ía cambiando paulatinamente, e no camiño puidemos ver algunhas das cabanas que se están a construir para o turismo de natureza. Polo camiño fóronse sacando fotos para posteriormente realizar un calendario.
Estes días escoitamos unha triste noticia en relación coa natureza. O Parque Nacional Yasuní, situado na amazonía ecuatoriana, quizáis o lugar máis biodiverso do planeta, parece que será explotado nun 1% polas empresas petroleiras. Oxalá non aconteza.
Cambiando de asunto, días anteriores realizouse en Mira unha xornada da xuventude, apoiada pola Fundación. A seguinte foto é dunha frase que estaba á entrada do colexio «León Ruales». Engado tamén unhas fotos dende o pobo por encima das nubes, onde nunha delas se pode ver a cúspide nevada dun volcán ao fondo.
Ata logo!